Article on other languages:
- Wikipedia:Redigeer
- Help:Editing
- Wikipedia:How_to_edit_a_page
- ويكيبيديا:سياسات_وإرشادات
- Vikipediya:Məqalələrin_redaktə_qaydaları
- Wikipedia:Menyunting_sebuah_halaman
- Wikipedia:Menyunting
- Wikipedia:Cara_ngédit_kaca
- Вікіпэдыя:Як_рэдагаваць_існуючы_артыкул
- Skoazell:Penaos_kemmañ_ur_bajenn
- Уикипедия:Как_се_редактират_страници
- Ajuda:Com_s'edita_una_pàgina
- Nápověda:Jak_editovat_stránku
- Hilfe:Seite_bearbeiten
- Βοήθεια:Πώς_να_επεξεργαστείτε_μια_σελίδα
- Wikipedia:Policies_and_guidelines
- Ayuda:Cómo_se_edita_una_página
- Helpo:Kiel_redakti_paĝon
- Laguntza:Artikuluak_nola_aldatzen_diren
- ویکیپدیا:راهنمای_ویرایش_صفحات
- Wikipédia:Règles
- Vicipéid:Beartais_agus_treoirlínte
- עזרה:עריכת_דף
- विकिपीडिया:लेख_को_कैसे_बदलें
- Wikipedia:Como_formatar_texto
- Aiuto:Modifica
- Wikipedia:編集の仕方
- Pagalba:Kaip_redaguoti_puslapį
- Wikipédia:Hogyan_szerkessz_lapokat?
- Help:Uitleg
- Hjelp:Hvordan_man_redigerer_en_side
- Hjelp:Endring
- Ajuda:Guia_de_edição/Formatação
- Wikipedia:Cum_modific_o_pagină
- Википедия:Как_править_статьи
- Help:How_to_edit
- Wikipédia:Prehľad_editácie_stránok
- Wikipedija:Urejanje_strani
- Помоћ:Уређивање
- Ohje:Kuinka_sivuja_muokataan
- Wikipedia:Hur_man_redigerar_en_sida
- Trợ_giúp:Sửa_đổi
- Yardım:Sayfa_nasıl_yazılır
- صفحہ_کس_طرح_ترميم_کريں
- הילף:רעדאקטירן
- Wikipedia:如何编辑页面
| Ofkierzung: WP:R |
Wikipedia ass e gemeinschaftleche Projet mat engem gemeinschaftlechen Zil dat vun de meeschte Wikipedianer gedeelt gëtt.
Natierlech hu mer och all eis perséinlech Grënn fir matzemaachen, a jidderengem steet et fräi, säin Deel zum Grousse bäizedroe wéi hien et fir richteg emfënnt. Mee natierlech soll Wikipedia och eng nëtzlech a fiabel Source ginn.
Fir dëst Ziel ze erreechen, brauche mir natierlech eng Rei Regelen fir d'Matenee méi einfach ze maachen, mat sou mann Sträit wéi méiglech. Dës Regele wëlle mer iech op dëser Säit kuerz oplëschten.
Verschidde Regelen huet de Grënner vu Wikipedia, den Jimbo Wales, fir offiziell erkläert, kuckt och dëse Bäitrag op Wikien-l an Jimbo Wales/Statement of principles.
Inhaltsverzeechnis |
Zentral Grondregele vun der Wikipedia
Folgend véier Punkte sinn zentral Grondsätz vun der Wikipedia.
- Wikipedia ass eng Enzyklopedie: Wikipedia ass keen Dictionnaire an keen Diskussiounsforum. D'Diskussiounssäite sinn do fir d'Artikelen ze verbesseren an iwwert d'Artikelen ze diskutéieren. D'Wikipedia ass dofir do, fir eng Enzyklopedie opzebauen, kuckt och bei den Artikelen, déi et op all Wikipedia sollt ginn.
- Neutralitéit: Op Wikipedia versiche mer, d'Artikele sou neutral wéi méiglech ze halen. De But ass net, en Artikel no der gängeger Meenung ze schreiwen, mee éischter fir op all Point de vue anzegoen, ouni dobäi fir eng Richtung Partei ze ergräifen.
- Kee Mëssbrauch vum Copyright: D'Artikelen op Wikipedia ginn ënnert der GNU Free Documentation License publizéiert. An ärem Artikel solle sech also nëmmen Donnéeë befannen déi soit Domaine public, soit GNU Lizenz sinn. Wann dëst net de Fall ass, da loosst deen Deel vum Contenu léiwer direkt ewech. Datselwecht gëllt natierlech och fir d'Biller déi der an ärem Artikel wëllt dobäisetzen.
- Respekt vis-à-vis vun deenen anere Wikipedianer: D'Wikipedianer kommen aus verschiddene Länner mat anere Kulturen an Opfaassungen. Andeems mir deenen Aneren hir Meenung respektéiere kënne mir méi efficace zesummeschaffen an eng grouss Enzyklopedie zesummestellen.
Weider Unhaltspunkten
Folgend Punkte si Rotschléi, un déi ee sech waméiglech hale soll, awer net muss. Natierlech soll dat Ganzt elo net eppes am Stil vun den Zéng Geboter sinn :-) Mee passt awer waméiglech e bëssen op. Weider Konventioune fannt Dir op der Kommunautéitssäit an ënnert der Hëllef.
Déi meescht Artikelen op Wikipedia hu méi wéi een Auteur. All är Kontributioune si susceptibel nach verännert ze gi vun engem aneren Utilisateur ouni datt dir dobäi iergendeen "droit de veto" hätt. Wann der mat dësem Prinzip net averstanen sidd, dann ass Wikipedia eventuell déi falsch Address fir ierch. Dës Regel beinhalt och, datt der är Artikelen net signéiert. Wee genee dru geschafft huet, kann een am Historique noliesen.
- Eenheetlech a konsistent Nimm vun den Artikelen
- Gitt bei Ännerungen e Resumé vun Ärer Aarbecht un
- Passt op d'Hiweiser zu de Biller op
- Verlinkt Är Artikele sënnvoll
- Hiweiser fir extern Linken
- Regelen zum Läschen
- Hiweiser fir d'Administratoren
Wie stellt déi Regelen eigentlech op ?
D'Majoritéit vun den allgemengen Regelen gouf opgesat wéi Wikipedia gegrënnt ginn ass, also op der englescher Wikipedia. Dann huet natierlech och all Sprooch hir spezifesch Regelen, déi vrun allem mat der Sprooch oder mam Land ze din hunn. Als Beispill: Op der lëtzebuergescher Wikipedia soll de "Koiné" geschriwwe ginn, dee méi oder wéineger op de "Staadter" Dialekt erausleeft.
Wie passt op ?
Op Wikipedia passt jiddereen op wat deen anere stiicht. Et gëtt kee Chefredakter deen d'Artikele validéiere muss éier se op de Site kommen, nach soss eng héich Kontrollinstanz. Natierlech ginn et d'Administrateuren, mee och si sinn net allmächteg a sollen deem ganzen och méi e Kader gi wéi als groussen Oppasser do stoen. Dozou gehéiert natierlech och, hinnen onnëtz Aarbecht dohinzeleeën, wat jo net muss sinn:
- Anonym schreiwen: Sidd ierch bewosst datt anonym Auteuren éischter kontrolléiert gi wéi "Stammclienten" déi regelméisseg Artikele verfaassen. Dofir sicht ierch einfach ee Benotzernumm a loggt ierch all Kéiers an, wann der eppes schreiwe wëllt.
- Denkt drun, d'Case "Kleng Ännerung" unzeklicken, wann der an engem Artikel nëmmen Tippfeeler verbessert oder Links beidrot, mee lo näischt groussarteges um Sënn vum Artikel ännert.
- Denkt drun, är Ännerungen am "Summary"-Feld kuerz ze beschreiwen, dat mécht et fir all Mënsch méi einfach, deen duerch den Historique kuckt, wat esou gemaach ginn ass an engem Dag.
- Iwwerliest ären Text och emol selwer, a baut net op déi aner fir ëmmer är Feeler ze verbesseren.